კიევში საპროტესტო აქცია გრძელდება. „ახალი ძალების მოძრაობის,“ "ბატკივშინას" და "საზოგადოებრივი პოზიციის“ მიერ ორგანიზებულ მიტინგში მონაწილეობას რამდენიმე ათასი დემონსტრანტი იღებს. აქციას შეუერთდა ოდესის ყოფილი გუბერნატორიც.
მიხეილ სააკაშვილის თქმით, დემონსტრანტები უმაღლესი რადის მიმდებარე ტერიტორიას მანამდე არ დატოვებენ, სანამ მათი მოთხოვნები არ შესრულდება. აქციის მონაწილეები დეპუტატთა ხელშეუხებლობის გაუქმებას, ანტიკორუფციული სასამართლოს შექმნას და საარჩევნო სისტემის რეფორმირებას მოითხოვენ.
