კენიის დედაქალაქში პოლიციამ ოპოზიციის მომხრეების წინაააღმდეგ ცრემლსადენი გაზი გამოიყენა. ნაირობიში საპროტესტო გამოსვლები საპრეზიდენტო არჩევნების გამოცხადების შემდეგ იმართება. საერთაშორისო უფლებადამცველი ორგანიზაციების ცნობით, აგვისტოს დასაწყისიდან პოლიციასთან შეტაკების შედეგად ოპოზიციის სულ მცირე 67 აქტივისტი დაიღუპა. კენიაში საპრეზიდენტო არჩევნები 8 აგვისტოს გაიმართა, შედეგები კი 13 აგვისტოს გახდა ცნობილი, რომლის თანახმადაც, გამარჯვება ქვეყნის მოქმედმა პრეზიდენტმა უჰურუ კენიატამ მოიპოვა. უზენაესმა სასამართლომ ისტორიაში პირველად საპრეზიდენტო არჩევნების შედეგები გააუქმა. განმეორებითი არჩევნები თავადაპირველად 17 ოქტომბერს დაინიშნა, თუმცა სასამართლოს გადაწყვეტილებით, ხმის მიცემა 26 ოქტომბრამდე გადაიდო.
