საქართველოს ყოფილი პრეზიდენტი მიხეილ სააკაშვილი უკრაინის შს მინისტრის მრჩევლის ზორიან შკირიაკის განცხადებას ეხმიანება, რომლის თანახმადაც, დავით საყვარელიძის დაცვის წევრი იარაღის შესყიდვის ფაქტზე დააკავეს.
სააკაშვილის ამ განცხადებას ტყუილს უწოიდებს და ამასტანავე მოუწოდებს უკრაინის ხელისუფლების წარმომადგენლებს, ასევე, პირადად პეტრო პოროშენკოს, დღეს დაგეგმილ აქციაზე პროვოკაციები არ დაუშვან.
„ვიღაცაში გეშლებით, ბიჭებო. მე, მიხეილ სააკაშვილი მარგინალური ჯგუფის ლიდერი არ ვარ, ვიღაც არამკითხე არ ვარ, რომელიც ციდან ჩამოვარდა. მე არ ვარ ის ადამიანი, რომელიც პუტჩს ამზადებს“, - აცხადებს „ფეისბუქის“ პირად გვერდზე გავრცელებულ ვიდეომიმართვაში სააკაშვილი.
მისი თქმით, 2003 წლის „ვარდების რევოლუცია“ ისტორიაში როგორც მშვიდობიანი ამბოხების მაგალითი შევიდა.
„ჩემი შეიარაღებული პროვოკაციების მომზადებაში დადანაშაულება სისულელეა. ნუთუ მართლა ხალხს ხროვად თვლით და ფიქრობთ, რომ ნებისმიერ სისულელეს მიჰყიდით? მშვიდობიანი აქციისას პროვოკაციებზე პასუხისმგებლობას პირადად პოროშენკოს ვაკისრებ და ასევე ავაკოვს“, -აღნიშნა საქართველოს ყოფილმა პრეზიდენტმა.
დღეს, კიევში, პარლამენტის წინ მასშტაბური აქციის გამართვა იგეგმება. კიევში დილიდან გამკაცრებულია უსაფრთხოების ზომები.