„სინოდის დღევანდელ სხდომაზე მეუფე პეტრეს საკითხი დაყენებული არ ყოფილა", - ამის შესახებ რუსთველმა მიტროპოლიტმა, მეეუფე იოანე გამრეკელმა ჟურნალისტებს განუცხადა.
მისივე განმარტებით, მამა გიორგის თემას ეკლესია განიხილავს.
„დღევანდელ სინოდის სხდომაზე რამდენიმე საკითხი განვიხილეთ. ეს იყო მეუფე ექვთიმესთვის მღვდელმსახურების აღდგენა, სასამართლომ დაადგინა, რომ ის უდანაშაულო იყო. მეუფე სერაფიმემ ასევე თვითონ ითხოვა მონასტერში წასვლა. რაც შეეხება მამა გიორგის, რადგან სასამართლო მასთან დაკავშირებით დასრულებულია და განაჩენი გამოტანილია, გადაწყდა ეკლესიის კანონების მიხედვით, განვიხილოთ საკითხი. ეს შეეხება მისი მღვდელმსახურების გაგრძელებასა თუ შეჩერებას, ზიარების, მსახურების დაყენების საკითხს. ამას განიხილავს ეკლესია. მეუფე პეტრეს საკითხი დაყენებული არ ყოფილა“, - განაცხადა მეუფე იოანე გამრეკელმა.
ცნობისთვის, წელს სინოდის სხდომა უკვე მეორედ ტარდება. პირველი, 2017 წლის 9 მარტს ჩატარდა, სადაც ერთ-ერთი საკითხი დეკანოზ გიორგი მამალაძის საქმე იყო.
