ჩვენ არ გვჭირდება ვეტო, რომელმაც სამწუხაროდ, დაკარგა თავისი განსაკუთრებული დატვირთვა მისი უადგილო და უსაფუძვლო გამოყენების გამო, - ამის შესახებ პარლამენტის იურიდიულ საკითხთა კომიტეტის თავმჯდომარე ეკა ბესელიამ განაცხადა.
ბესელიას განცხადებით, საჭიროა მზაობის ჩვენება, რომ ისინი მიდიან კომპრომისების გზით მეტი დემოკრატიულობისკენ.
„ამ სიფრთხილით და სახელმწიფოებრივი პასუხისმგებლობითაა მიღებული ბოლო ცვლილებები ჩვენს მიერ. ასევე ვუფრთხილდებით ქვეყნის იმიჯს და გვინდა საჯაროდ გაცხადებული კომპრომისი შედგეს. სწორედ ამ მზაობამ განაპირობა შეთავაზება და არა ჩვენმა სურვილმა. ჩვენ არ გვჭირდება ვეტო, რომელმაც სამწუხაროდ, დაკარგა თავისი განსაკუთრებული დატვირთვა მისი უადგილო და უსაფუძვლო გამოყენების გამო - ჩვენ გვჭირდება ვაჩვენოთ მზაობა, რომ მივდივართ კომპრომისების გზით მეტი დემოკრატიულობისკენ. შეუძლებელია ამის არ დანახვა და უსამართლობაა ამ პროცესის ნეგატიურად წარმოჩენა. კონსტიტიციური ცვლილებებით სიკეთეს მიიღებს ქვეყანა და არა „ქართული ოცნება“, - განაცხადა ეკა ბესელიამ.
