ჩვენ ვთავაზობთ, რომ შეხვედრა პრეზიდენტსა და საპარლამენტო უმრავლესობას შორის გაიმართოს, - ამის შესახებ პარლამენტის პირველმა ვიცე-სპიკერმა თამარ ჩუგოშვილმა საზოგადაოებრივ მაუწყებელთან საუბრისას აღნიშნა.
მისი თქმით, დასაწყისისთვის კარგი იქნება, თუკი პრეზიდენტსა და უმრავლესობას შორის გაიმართება საქმიანი საუბარი, რომელიც საკონსტიტუციო ცვლილებებს ეხება.
„ეს ფორმატი შესაძლებლობას მოგვცემს, საქმიანად, შინაარსობრივად დავილაპარაკოთ. ამისთვის ჩვენი მზაობა დაფიქსირებულია. პრეზიდენტს შეუძლია, როცა მას აწყობს, უმრავლესობა შეხვედრაზე მიიწვიოს. ჩვენ ვთავაზობთ, რომ შეხვედრა პრეზიდენტსა და საპარლამენტო უმრავლესობას შორის გაიმართოს. თუნდაც პრეზიდენტის ადმინისტრაციაში, რადგან ამას ჩვენთვის მნიშვნელობა არა აქვს.
თუ სურვილი ექნება, შეგვიძლია, პარლამენტშიც ვუმასპინძლოთ. ვფიქრობთ, რომ დასაწყისისთვის კარგი იქნება, თუკი პრეზიდენტსა და უმრავლესობას შორის გაიმართება საქმიანი საუბარი, რომელიც საკონსტიტუციო ცვლილებებს ეხება“, - დასძინა ჩუგოშვილმა.
