ახალი ზელანდიის პარლამენტთან უცნობმა მამაკაცმა თავი დაიწვა. თვითმკვლელს დახმარება გამვლელებმა გაუწიეს, ცეცხლი ქურთუკებითა და წყლით ჩააქვრეს და სასწრაფო დახმარების მანქანასაც გამოუძახეს.
მძიმედ დაშავებული მამაკაცი საავადმყოფოში გადაიყვანეს. მისი მდგომარეობა კრიტიკულია.
თვითმხილველთა ჩვენებით, მამაკაცი პარლამენტთან რამდენიმე დღის განმავლობაში პლაკატით იდგა და მამებისთვის ბავშვების ჩამორთმევას აპროტესტებდა, თუმცა ყურადღება არავინ მიაქცია.
