იმ პოლიტიკური პარტიებიდან არაერთმა, რომელიც დღეს ჩვენ კონსენსუსისკენ მოგვიწოდებს, 2010 წელს სრულიად არადემოკრატიულ კონსტიტუციურ ცვლილებებს დაუჭირა მხარი, - ამის შესახებ ჟურნალისტებს უმრავლესობის ლიდერმა არჩილ თალაკვაძემ განუცხადა.
მისი თქმით, 2010 წელს ძალიან ცუდ საკონსტიტუციო ცვლილებებს ფართო კონსენსუსი ჰქონდა.
“2010 წელს ძალიან ცუდ საკონსტიტუციო ცვლილებებს ფართო კონსენსუსი ჰქონდა. შესაბამისად, ჩვენ სწორი გადაწყვეტილება გვაქვს მიღებული, როცა პირველ ადგილზე კარგი კონსტიტუციის მიღებას ვაყენებთ, რომელიც ქვეყნის დემოკრატიულ გრძელვადიან განვითარებას უზრუნველყოფს. მხოლოდ ამის შემდეგ არის კონსენსუსი მნიშვნელოვანი. ჩვენ მივესალმებით, თუ ამ პრინციპებს ოპოზიციური პარტიებისგან მხარდაჭერა ექნება”, - განაცხადა არჩილ თალაკვაძემ.
