ყაზახეთში აქლემთან ჯიპის შეჯახების შედეგად ხუთი ადამიანი დაიღუპა. შემთხვევა ალმათის ოლქში, დასავლეთ ევროპა-დასავლეთ ჩინეთის ავტომაგისტრალის მონაკვეთზე მოხდა.
ჯიპი, რომელსაც 43 წლის ალმათელი ქალბატონი მართავდა, სოფელ აიდარლის მიდამოებში აქლემს შეეჯახა და გადაბრუნდა. მძღოლი ქალი და მისი სამი მგზავრი ადგილზე დაიღუპნენ, კიდევ ერთი ადამიანი მოგვიანებით საავადმყოფოში გარდაიცვალა. დაღუპულია აქლემიც.
ყაზახური მედია აღნიშნავს, რომ ტრასის ამ მონაკვეთის მშენებლობა ჯერ არ დასრულებულა და იქ ავტომანქანების მოძრაობა აკრძალულია.
