რამდენიმე დღის წიმ ბერლინის ღამის კლუბთან მოკლული მამაკაცი რუსეთის მოქალაქეა, - აცხადებს ,,რია ნოვოსტისთან“ ბერლინის გენერალური პროკურატურის წარმომადგენელი. გამოცემის ინფორმაციით, პროკურატურის წარმომადგენლი აცხადებს, რომ მკვლელობაში ეჭვმიტანილი სავარაუდოდ საქართველოშია დაბადებული.
"ჯერ ყველაფერი გარკვეული არ არის. ჩემი ცნობებით, ეჭვმიტანილი საქართველოში დაიბადა, თუმცა ამაში დარწმუნებული არ ვარ"- განაცხადა პროკურატურის წარმომადგენელმა.
ბერლინის ერთ-ერთ ღამის კლუბში 15 სექტემბერს მოხდა. საცეკვაო მოედანზე ორ პირ შორის სიტყვიერი შელაპარაკება მოხდა. ისინი კლუბიდან ქუჩაში გააძევეს, სადაც კამათი გაგრძელდა. მოგვიანებით მოვიდა მესამე შეიარაღებული პირი და რამდენჯერმე გაისროლა. შედეგად ერთი ადამიანი დაიღუპა, ერთი დაშავდა. თავად შეიარაღებულმა პირმა კი მძიმე დაზიანებები მიიღო და საავადმყოფოში გადაიყვანეს. მის დაკავებაზე ორდერი უკვე გაცემულია.
