მოსალოდნელი აფეთქების შესახებ განხორციელებული მორიგი ცრუ შეტყობინებების შედეგად, მოსკოვში დაახლოებით რვა ათასი ადამიანის ევაკუაცია განხორციელდა - ამის შესახებ რუსული მედია სამართალდამცავ ორგანოებში არსებულ წყაროზე დაყრდნობით იტყობინება.
მედიის ცნობით, შაბათს შესული ყველა შეტყობინება ცრუ აღმოჩნდა. დღის განმავლობაში, სულ 40-მდე ასეთი ანონიმური ზარი განხორციელდა.
ბოლო დღეების განმავლობაში, მოსკოვში მოსალოდნელი აფეთქების შესახებ რამდენიმე ათეული ცრუ შეტყობინება შევიდა.
