ლონდონის მეტროში მომხდარ აფეთქებას პოლიცია ტერაქტთან კავშირში მყოფი ინციდენტის კვალიფიკაციას აძლევს. მომხდარს პოლიციის კონტრტერორისტული დეპარტამენტი იძიებს. ლონდონის ყოფილმა მერმა და მოქმედმა საგარეო საქმეთა მინისტრმა ბორის ჯონსონმა ქალაქის მცხოვრებლებს სიმშვიდისკენ უკვე მოუწოდა. საგანგებო განცხადება გააკეთა ამჟამინდელმა მერმა სადიკ ჰანმაც.
დღის მეორე ნახევარში კი პრემიერი ტერეზა მეი საგანგებო სიტუაციების კომიტეტის, კობრას სხდომას გამართავს. აფეთქება პარსონს გრინის მეტროს სადგურში დღეს დილით მოხდა. ერთ-ერთ ვაგონში პაკეტი აფეთქდა, რომელშიც თეთრი კონტეინერი იდო. შედეგად, 20-მდე ადამიანი დაშავდა. ინფორმაცია მსხვერპლის შესახებ არ გავრცელებულა.
