კატალონიის ხელისუფლებამ ესპანეთის პრემიერს, მარიანო რაჰოის და მეფეს ფელიპე მეექვსეს წერილი გაუგზავნა. ამის შესახებ ესპანური მედია იტყობინება. მიმართვას, რომლითაც ბარსელონა მადრიდს მოლაპარაკებებს სთავაზობს, ხელი კატალონიის მთავრობის მეტაურმა კარლეს პუჩდემონმა, მისმა მოადგილემ ორიოლ ჟუნკერასმა და ბარსელონის მერმა ადა კოლაუმ მოაწერეს. წერილში ნათქვამია, რომ შეთანხმება უნდა მოხდეს იმის თაობაზე, თუ როგორ ჩატარდება კატალონიაში დამოუკიდებლობის შესახებ რეფერენდუმი. 6 სექტემბერს კატალონიის პარლამენტმა დამოუკიდებლობის შესახებ რეფერენდუმის ჩატარებასთან დაკავშირებით კანონი მიიღო, რასაც მადრიდი კონსტიტუციის დარღვევად მიიჩნევს. რეფერენდუმის ჩატარება 1 ოქტომბერს იგეგმება.
