ხარკოვში დღეს დავით საყვარელიძის მხარდამჭერი აქცია გაიმართება.
უკრაინის გენერალური პროკურორის ყოფილ მოადგილეს და პარტია ”ახალი ძალების მოძრაობის” წევრს, დავით საყვარელიძეს უკრაინის საზღვრის დაცვის და პროკურატურის თანამშრომლები საზღვრის უკანონოდ - ჯგუფურად გადაკვეთის ორგანიზებას ედავებიან.
სამართალდამცველებმა მას სპეციალური ოქმი ცოტა ხნის წინ გადასცეს.
ოქმს მან გუშინ, პოლიციის განყოფილებაში მოაწერა ხელი.
დავით საყვარელიძის მხარდამჭერები მის ეჭვმიტანილად ცნობას ხარკოვის რაიონულ პროკურატურასთან 17:00 საათზე გააპროტესტებენ.
ცნობისთვის, საქმე სისხლის სამართლის კოდექსის 3 მუხლითაა აღძრული: საზღვრის უკანონო გადაკვეთა, ჯგუფური არეულობის მოწყობა და სამართალდამცველებისთვის წინააღმდეგობის გაწევა.
უკრაინის გენერალური პროკურორის ყოფილი მოადგილისთვის გაურკვეველია, რას ედავებიან მას და მის თანაგუნდელებს კონკრეტულად.
