კატალონია დამოუკიდებლობას ითხოვს. რეფერენდუმი ესპანეთისგან გამოყოფის შესახებ 1 ოქტომბერს არის დანიშნული. ოფიციალური განცხადება უკვე გააკეთა ბარსელონის მერმა. ადა კოლაუს თქმით, ბარსელონა რეფერენდუმში მონაწილეობას მიიღებს. ხმის მისაცემად უბნები გაიხსნება კატალონიის სხვა ქალაქებშიც. დაგეგმილ რეფერენდუმთან დაკავშირებით მკაცრი პოზიცია აქვთ მადრიდში. ცოტა ხნის წინ ცნობილი გახდა, რომ ესპანეთის პროკურატურამ კატალონიის ქალაქების მერიებში სპეციალური შეტყობინება გაგაზავნა. მასში აღნიშნულია, რომ იმ მერებს, ვინც ქალაქში რეფერენდუმის გამართვის უფლებას გასცემს, პასუხისგებაში მისცემენ.
