სინგაპურში პირველი ქალი პრეზიდენტის ინაუგურაცია გაიმართა. ჰალიმა იაკობმა ფიცი პრეზიდენტის სასახლეში დადო. ცერემონიას ქვეყნის პრემიერ-მინისტრი, უმაღლესი სასამართლოს თავმჯდომარე და მთავრობის წევრები ესწრებოდნენ. 63 წლის იაკობი ქვეყნის ისტორიაში პირველი ქალი პრეზიდენტი და ბოლო 47 წლის განმავლობაში მალაიების ეთნიკური ჯგუფის პირველი წარმომადგენელია, რომელმაც სახელმწიფო მეთაურის პოსტი დაიკავა.
