ლვოვის სასტუმროდან გაუჩინარებულმა მიხეილ სააკაშვილმა სოციალურ ქსელ ფეისბუკის გვერდზე შეტყობინება დადო. მან ჩერნოვცის ცენტრალურ მოედანზე მიტინგი დააანონსა და მხარდამჭერებს აქციაზე მისვლისკენ მოუწოდა. მიტინგი ადგილობრივი დროით 18 საათზე დაიწყება. მანამდე გავრცელდა ინფორმაცია, რომ გვიან ღამით სააკაშვილმა სასტუმრო მხარდამჭერებთან ერთად დატოვა და დონბასის ბატალიონის მიკროავტობუსით გაურკვეველი მიმართულებით გაემგზავრა.
