ხვალ, 8 ივლისს, ერთიანი ეროვნული გამოცდები უცხოური ენის გამოცდით გაგრძელდება. აბიტურიენტები გამოცდას ინგლისურ ენაში ჩააბარებენ.
08:00 საათზე საგამოცდო ცენტრებში აბიტურიენტთა რეგისტრაცია დაიწყება, 09:00 საათზე კი - გამოცდა.
ინგლისური ენის გამოცდის მეორე და მესამე სესია 9 ივლისს ჩატარდება.
გამოცდას გერმანულ, რუსულ და ფრანგულ ენებში აბიტურიენტები 12 ივლისს ჩააბარებენ.
8 ივლისს მაგისტრანტობის კანდიდატები საერთო სამაგისტრო გამოცდის მესამე და მეოთხე ნაწილებს (რაოდენობრივი და ლოგიკური მსჯელობა) ჩააბარებენ.
მაგისტრანტობის კანდიდატთა რეგისტრაცია 13:00 საათზე დაიწყება, გამოცდა - 14:00 საათზე.
