პოლონეთის ყოფილი პრეზიდენტის, ლეხ ვალენსას წინააღმდეგ გამოძიება დაიწყო. ექსპრეზიდენტს სპეცსამსახურებთან თანამშრომლობის შესახებ ცრუ ჩვენების მიცემაში ადანაშაულებენ. ვალენსა ირწმუნება, რომ ქვეყნის სპეცსამსახურებთან არასდროს უთანამშრომლია, თუმცა სასამართლო ექსპერტიზის ინსტიტუტი და რამდენიმე მოწმე საწინააღმდეგოს ამტკიცებს. მსგავსი ბრალდებები ვალენსას ადრეც არაერთგზის წაუყენეს.
