დონალდ ტრამპი ავღანეთში ტერორიზმთან ბრძოლის გააქტიურების პირობას დებს. თეთრი სახლის ლიდერმა ავღანეთში ამერიკის ახალი სტრატეგიის შესახებ „ფორტ მაიერის“ ბაზაზე ვიზიტისას ისაუბრა. თეთრი სახლის ლიდერმა აღნიშნა, რომ ავღანეთიდან სამხედრო ძალის დაჩქარებული გამოყვანა იმ ვაკუუმს შექმნის, რომლის შევსებასაც ტერორისტები ადვილად მოახერხებენ. პრეზიდენტის მიერ ახალი სტრატეგიის გამოცხადების შემდეგ კომენტარი თავდაცვის მდივანმაც გააკეთა. ჯეიმს მეტისმა აღნიშნა, რომ შეერთებული შტატები და მისი მოკავშირეები მზად არიან ავღანეთში სამხედრო კონტიგენტი გაზარდონ.
