ბრექსიტის შემდეგ ბრიტანეთი ევროკავშირს დროებითი საბაჟო კავშირის შექმნას სთავაზობს. მთავრობის ოფიციალური განცხადება დღეს გამოქვეყნდება. ლონდონი აცხადებს, რომ საბაჟო კავშირი მხოლოდ გარდამავალ პერიოდში იმოქმედებს. გარკვეული დროის შემდეგ კი ბრიტანეთი კავშირს დატოვებს. დროებითი კავშირის პირობებში ევროკავშირსა და ბრიტანეთს შორის სავაჭრო ურთიერთობა უცვლელი დარჩება, თუმცა ლონდონი უფლებას იტოვებს, ევროკავშირის არაწევრ ქვეყნებთანაც აწარმოოს მოლაპარაკებები.
