ხვალ თბილისის საქალაქო სასამართლოში ე.წ. ციანიდის საქმის განხილვა ბრალდების მხარის დასკვნითი სიტყვით განახლდება.
„ბრალდების მხარემაც და დაცვის მხარემაც, მტკიცებულებათა გამოკვლევა დავასრულეთ. ასევე დავასრულეთ მოწმეთა დაკითხვაც. ხვალ პროკურატურა თავის დასკვნით სიტყვას იტყვის, ისინი თავიანთ პოზიციას შეაჯამებენ. რამდენადაც ჩემთვის ცნობილია, მოსამართლე რამდენიმე დღით შვებულებაში გასვლას აპირებს. მისი შვებულებიდან დაბრუნდების შემდეგ უკვე დაცვის მხარე ვიტყვით დასკვნით სიტყვას.
ხვალ ბრალდების მხრიდან რამე განსაკუთრებულ სიახლეს არ უნდა ველოდოთ. პროკურატურტამ თავის დასკვნით სიტყვაში უნდა შეაჯამოს ის გამოკვლეული მტკიცებულები და დაკითხული მოწმეების ჩვენებები, რომლებიც ფაქტობრივად ვერაფერს ადასტურებენ. ირაკლი მამალაძის გარდა, საქმეში მოწმე არ არსებობს. ის ამ საქმეში აგენტ-პროვოკატორი რომ არის და გიორგი მამალაძე არავის მოკვლას რომ არ აპირებდა, ეს ცხადია. მამალაძის ბრალეულობის დამადასტურებელი არცერთი მტკიცებულება მოიპოვება.
ბრალდების მხარის ერთადერთი იმედი ალბათ, ის არის რომ სასამართლო თავის სიმაღლეზე ვერ დადგეს. იმედს ვიტოვებ, რომ პროკურატურის ეს ერთადერთი იმედი არ გამართლდება, სასამართლო საკუთარ სიმაღლეზე დადგება“, - განუცხადა „ჯი-ეიჩ-ენ-ს“ დეკანოზ გიორგი მამალაძის ადვოკატმა, გიორგი ფანცულაიამ.
