პუტინის ვიზიტის მიზანი, რუსეთის აგრესიული პოლიტიკის ლეგიტიმაცია იყო,- ამის შესახებ საქართველოს პრეზიდენტის საგარეო ურთიერთობათა მდივნმა, თენგიზ ფხალაძემ, რუსეთის პრეზიდენტ ვლადიმირ პუტინის ოკუპირებულ აფხაზეთში ვიზიტთან დაკავშირებით განაცხადა.
მისივე თქმით, პუტინს სურდა, რომ რამენაირად მოეხდინა ლეგიტიმაცია იმ ქმედებების, რომელსაც რუსეთის ფედერაცია ახორციელებს.
„მე ვამბობ, რომ ამის ლეგიტიმაცია არის შეუძლებელი. სასაცილოა, რა დახმარებაზე არის საუბარი, როდესაც ტერიტორია არის ოკუპირებული, ხალხი არის გაუბედურებული და ამ დროს, როდესაც მათ ეუბნები, რომ ოკუპანტი გაგიწევს დახმარებას, ეს არის დაცინვა იმ მოსახლეობის,“ - განაცხადა თენგიზ ფხალაძემ.
„ეს იყო უკრაინის მხრიდან ინიცირებული ზარი, ეს იყო მხარდაჭერის ზარი და კიდევ ერთხელ ხაზი გაესვა იმას, თუ რაოდენ მნიშვნელოვანი იყო თბილისში მიღწეული შეთანხმებები, პრეზიდენტების მიერ ხელმოწერილი დეკლარაციები სტრატეგიული თანამშრომლობის შესახებ, როგორ უნდა განვითარდეს ეს სტრატეგიული თანამშრომლობა და კიდევ ერთხელ გამოხატა მხარდაჭერა საქართველოსა და ქართველი ხალხის მიმართ,“ - განაცხადა თენგიზ ფხალაძემ.