საქართველოში ყველაზე პრესტიჟული სილამაზის ნაციონალური კონკურსის რეგისტრაცია დაიწყო და გაგრძელდება აგვისტოს ბოლომდე.

“მის საქართველო 2017”-ში მონაწილეობის მიღება შეუძლიათ 17-დან 25 წლამდე ასაკის გოგონებს. მონაწილეობის მსურველები რეგისტრაციისთვის უნდა გამოცხადდნენ კომპანია იმიჯ ცენტრის ოფისში, ნიკო ნიკოლაძის 6-ში.

კომპანია “იმიჯ-ცენტრი” გახლავთ “მის საქართველო”-ს ორგანიზატორი და მსოფლიოში აღიარებული სილამაზის საერთაშორისო კონკურსების “Miss World”-ის, “Miss Universe-ის, “Miss Intercontinental”-ის და “Miss Tourism International”-ის ექსკლუზიური წარმომადგენელი საქართველოში.
პროექტი “მის საქართველო” კომპანია იმიჯ ცენტრის მიერ 2003 წლიდან ტარდება და მასში მონაწილეობის მსურველებს სთავაზობს იშვიათ გამოცდილებას, ამაღლებს მათ ცნობადობას, ზრდის პოპულარობას, აძლევს მათ საერთაშორისო კონკურსებში მონაწილეობის უნიკალურ შესაძლებლობას.

ნაციონალური კასტინგი გაიმართება სექტემბერში, სადაც შეირჩევიან ფინალისტები, რომლებიც გააგძელებენ ბრძოლას საქართველოს ყველაზე ლამაზი ქალის ტიტულის მოსაპოვებლად. “მის საქართველო 2017”-ის გამარჯვებული და ტოპ-ხუთეულის წევრები გაემგზავრებიან სილამაზის სხვადასვა საერთაშორისო კონკურსებზე.​

პროექტის ტრადიციული პარტნიორები არიან: მოდის სახლი “მარიონელა”, კიკალა სტუდიო, სარეკლამო კომპანიები მაქსპრომი და კოლიბრი, TV პირველი, მიუზიკ ბოქსი, რადიო ფორტუნა, ფორტუნა+, ინტერნეტ მხარდაჭერა GHN.GE და INFO 9​​​​​​​​