ფრაქცია „ქართული ოცნება“ პრეზიდენტ გიორგი მარგველაშვილის განცხადებას ეხმიანება.
„გუშინ გიორგი მარგველაშვილმა მორიგი შეურაცხყოფა მიაყენა მმართველი პარტიის ლიდერებს. კიდევ ერთხელ მოვუწოდებთ ყველას, არ აყვნენ მას და არ უპასუხონ მის შეურაცხმყოფელ განცხადებებს“, - აღნიშნულია ,,ქართული ოცნების” მიერ გავრცელებულ განცხადებაში, სადაც არ კონკრეტდება, პრეზიდენტის რომელ გამონათქვამს გულისხმობს მმართველი გუნდი.
