ფრაქცია „ქართული ოცნების“ თავმჯდომარის, მამუკა მდინარაძის განცხადებით, აშშ-ის ვიცე-პრეზიდენტ, მაიკ პენსის მიერ გაკეთებული თითოეული წინადადება, უმეტესწილად, იყო საქართველოს საგარეო-პოლიტიკური და ზოგადად, საქმიანობის მიმართულების შეფასება.
მისივე თქმით, შეერთებული შტატების მხრიდან გასული 5 წლის ხაზგასმით წარმატებულად მოხსენიება და ახალი პათოსით საუბარი მოკავშირეობაზე, „ქართული ოცნების“ უდიდესი წარმატებაა.
"პენსმა საქართველოს მიმართ ახალი, ძალიან მკაფიო გზავნილები გაახმოვანა. შეერთებული შტატების მხრიდან გასული 5 წლის ხაზგასმით წარმატებულად მოხსენიება და ახალი პათოსით საუბარი მოკავშირეობაზე, გახლავთ „ქართული ოცნების“ უდიდესი წარმატება და პასუხი აქამდე დასმულ ყველა კითხვაზე, რამაც კიდევ მეტი სტიმული უნდა მისცეს ჩვენს საზოგადოებას და ხელისუფლებას, გაათმაგებული დინამიკით გავაგრძელოთ განვითარება, სწრაფვა ევროპული და ევროატლანტიკური სტრუქტურებისკენ, დემოკრატიის, სწორი სახელმწიფო მოწყობის, მომავალი თაობების შეუდარებლად უკეთესი ცხოვრებისაკენ“, - აღნიშნა მდინარაძემ.
