დედაქალაქის მერის, დავით ნარმანიას განცხადებით, ე.წ. ხრუშჩოვკების ჩანაცვლება ეტაპობრივად მოხდება.
მერი აღნიშნულ ინიციატივას დადებითად აფასებს.
„ხრუშჩოკების“ ჩანაცვლება ეტაპობრივად მიმდინარეობდა, თუმცა ერთიანი კომპლექსური მიდგომა და ხედვა, რომელიც არის „ქართული ოცნების“ მერობის კანდიდატის მხრიდან წარმოდგენილი, ძალიან მნიშვნელოვანია. გენერალური გეგმის მიხედვითაც, უბან-უბან უნდა მოხდეს ჩანაცვლება ერთიანი განაშენიანების რეგულირების მიხედვით, ასე რომ ინიციატივა კარგია, დროული და ვფიქრობ ძალიან საინტერესო", -აღნიშნა ნარმანიამ.
შეგახსენებთ, თბილისის მერობის კანდიდატმა კახა კალაძემ განაცხადა, რომ ე.წ. ხრუშჩოვკების ეტაპობრივი ჩანაცვლების პროექტს ახლო მომავალში წარუდგენს თბილისელებს.