,ნაციონალური მოძრაობის" ერთ-ერთი ლიდერი ხატია დეკანოიძე იუსტიციი სიმინისტრის იმ განცხადებას ეხმაურება, სადაც წულუკიანმა განაცხადა, რომ თუ სააკაშვილი დაიდებს ბინას აშშ-ში მაშინ საქართველოს ხელისუფლება ამერიკასთან გამართავს მოლაპარაკებას მის გადმოცემასთან დაკავშირებით.
„ძალიან სამწუხაროა, რომ როდესაც ჩვენს ქვეყანაში ხორციელდება უაღრესად მნიშვნელოვანი ვიზიტი, ამერიკის შეერთებული შტატების ვიცე პრეზიდენტის, რომელიც ჩამოვიდა საქართველოში იმისთვის, რომ აჩვენოს ქართველ ხალხს, რომ ამერიკა არის ჩვენი სტრატეგიული პარტნიორი, რომ საქართველოს ტერიტორიული მთლიანობა არის ურყევი და აშშ უჭერს მხარს ჩვენს ეროვნულ ინტერესებს, ამ ფონზე, იუსტიციის მინისტრი, "ქართული ოცნების" პოლიტიკური დაპირისპირების მიმართულებით ბოღმას ანთხევს და საუბრობს მიხეილ სააკაშვილის კვლავ დევნაზე აქვს,“ - აცხადებს დეკანოიძე.
მისივე თქმით, სტრატეგიულმა პარტნიორებმა იციან, რომ პოლიტიკური ლიდერების დევნა, მათ შორის საქართველოს მესამე პრეზიდენტის დევნა, ეს არის დამაზიანებელი პირველ რიგში საქართველოსთვის.
წულუკიანის განმარტებით, საქართველო სამართლებრივ ნაბიჯებს იმის მიხედვით გადადგამს, თუ სად აირჩევს მიხეილ სააკაშვილი მუდმივ სამყოფელს,.
„თუ იქნება უკრაინა, სადაც ის ამბობს, რომ დაბრუნდება, ამ მხრივ, პრინციპში პროცედურები ამოწურული გვაქვს. ყველა ის მტკიცებულება, რაც ხელთ გვქონდა, ჯერ კიდევ 2014-2015 წლებში არის გადაგზავნილი. ასე რომ, თუ უკრაინაში გაჩნდა პოლიტიკური ნება, რომ საქართველოსთან ითანამშრომლოს, მათ შეუძლიათ მიიღონ გადაწყვეტილება ბრალდებულის გადმოცემასთან დაკავშირებით. რაც შეეხება სხვა სახელმწიფოებს, მაგალითად, ამერიკის შეერთებულ შტატებს, თუკი ყოფილი პრეზიდენტი იქ დაიდებს ბინას, ჩვენ დაგვჭირდება ამ ქვეყნებთან სამართლებრივი კონსულტაციები, მათ შორის, მოლაპარაკებები და შეთანხმებები გადმოცემის შესახებ“, - განაცხადა თეა წულუკიანმა.