მორიგი სკანდალი და სირცხვილი - ასე აფასებს ევროპული საქართველოს წევრი გიორგი კანდელაკი ევროსასამართლოს მიერ მოსამართლეთა კანდიდატების დაწუნებას.
,,დღეს იუსტიციის მინისტრი შეეცადა, რომ საზოგადებისთვის წარმატებად გაესაღებინა მორიგი სკანდალი და სირცხვილი, რაც მან უკვე მეორედ მოუტანა ჩვენს ქვეყანას. მეორედ ხდება, რომ საქართველო ფორმალური კვალიფიკაციის თვალსაზრისითაც კი, ევროსასამართლოში აგზავნის შეუფერებელ კანდიდატებს. ბატონი ჭანტურია პირველ რიგში არავის დაუმტკიცებია მოსამართლედ. მთელი პროცესი აღსავსე იყო რომელიც ჩაატარა მთავრობამ და იუსტივციის სამინისტრომ მაქინაციებით იმიასათვის, რომ კვალიფიციური კანდიდატები ვერ მოხვდრილიყვნენ იმ სამეულში, რომელიც გაიგზავნა სტრასბურგში. თითზე ჩამოსათვლელია იმ ქვეყნების სია, რომელთა მიერ წარგზავნილი სიის უარყოფა ხდება მთლიანად და იცით, რომ ჩვენს ისტორიაში პირველად იანვარში მოხდა მთლიანი სიის უარყოფა და დაწუნება, რომელიც გაიგზავნა სასამართლოდან. ის, რომ იუსტიციის სამინისტრო ახალ კონკურსს აცხადებს, რის ვალდებულებასაც მას ფორმალურად არ აქვს, ნიშნავს, რომ ქალბატონი წულუკიანი აღიარებს, რომ მთლიანი პროცესი, რაც წარმართა, არის დისკრედიტირებული. ასეთ ფონზე, იმ სირცხვილის და სკანდალის ფონზე, რაც უკვე მეორედ მოაქვს ჩვენი ქვეყნისთვის ნებისმიერ დემოკრატიულ სახელმწიფოში იგი იქნებოდა გადამდგარი, მაგრამ სამწუხაროდ ეს არ ხდება იმიტომ, რომ მთავრობა მთლიანად არის ჩართული ამ მანიპულაციაში იმისათვის, რომ კვალიფიციური კანდიდატები ვერ გავიდნენ,’’ - განაცხადა გიორგი კანდელაკმა.
ლადო ჭანტურიას სტრასბურგში მოსამართლეობისთვის შესაფერის კანდიდატად მიიჩნიეს, - ამის შესახებ წულუკიანმა სპეციალურ ბრიფინგზე განაცხადა. მისივე თქმით, კომპეტენციის კარგი მაჩვენებლები აქვთ დანარჩენ ორ კანდიდატს ქალბატონ სოფიო ჯაფარიძეს და შოთა გეწაძეს. ,,შოთა გეწაძე 35 წლის არის. ამის შესახებ პირდაპირ არის მითითებული, რომ დაახლოებით 7-წლიანი სამოსამართლო კარიერა, რაც მას აქვს, არის ხანმოკლე. სოფიო ჯაფარიძის შემთხვევაში, ნათქვამია, რომ მას აქვს, როგორც ექსპერტები ამბობენ, ღირებული გამოცდილება, კარგი ცოდნა ადამიანის უფლებებში სამართალში, მაგრამ ამ შემთხვევაშიც მიიჩნიეს, რომ არის 36 წლის და მისი პროფესიული გამოცდილების მასშტაბი, ხანგრძლივობა არის ხანმოკლე“, - განმარტა თეა წულუკიანმა.
