პრეზიდენტის პრესსპიკერის, ეკა მიშველაძის განცხადებით, კონსტიტუციის დღე, რომელიც 24 აგვისტოს აღინიშნება კიდევ ერთხელ განსაკუთრებულად უსვამს ხაზს ამ დოკუმენტის მნიშვნელობას.
მისივე თქმით, პრეზიდენტის ადმინისტრაცია კონსტიტუციის დღესთან დაკავშირებით ყოვლისმომცველ ღონისძიებებს გეგმავს.
„თქვენ იცით, საქართველოს პრეზიდენტის ადმინისტრაცია ყოველ წელს აღნიშნავს კონსტიტუციის დღეს. წელს ეს თარიღი კიდევ უფრო მეტი დატვირთვის მატარებელია იმ ფონზე, როდესაც ქვეყანაში საკონსტიტუციო რეფორმა ასეთი საყოველთაო ინტერესით მიმდინარეობს ერთიანი, სრულყოფილი, საერთო თანხმობის, ფუძემდებლური დოკუმენტის შესამუშავებლად. შესაბამისად, პრეზიდენტის ადმინისტრაცია საზოგადოების ფართო ჩართულობით, სხვადასხვა სფეროს მიმართულებით გეგმავს ძალიან ყოვლისმომცველ ღონისძიებებს კონსტიტუციის დღესთან დაკავშირებით იმისათვის, რომ საზოგადოებამ კიდევ უფრო მეტად გაიაზროს კონსტიტუციის მნიშვნელობა და ფუნქცია. ჩვენი მიზანია კონსტიტუციის დღე საერთო სახალხო დღედ ვაქციოთ“, - განაცხადა ეკა მიშველაძემ.
