საქართველოს ყოფილი პრეზიდენტი, უკრაინის ოპოზიციის ერთ-ერთი ლიდერი მიხეილ სააკაშვილი უკრაინის პრეზიდენტის, პეტრო პოროშენკოს საქართველოში ვიზიტს ეხმაურება.
„ჩემი მონაცემებით, პოროშენკო სპეციალურად ეწვია ბათუმს, რათა საქართველოს ფაქტობრივ მმართველთან ივანიშვილთან ურეკში ჩემი ექსტრადირების საკითხი განეხილა. მათი საიდუმლო შეხვედრა ორ საათზე მეტი გაგრძელდა და ეს დრო თითქმის სრულად მე მეძღვნებოდა.
ივანიშვილი 100%-ით რუსული პროექტია და გაზპრომის უმსხვილეს აქციონერს წარმოადგენს. ადგილი აქვს პირდაპირ კავშირს ორ მილიარდერ ოლიგარქს შორის იმ ადამიანის წინააღმდეგ, რომელსაც არც ფული აქვს და არც რაიმე ოფიციალური თანამდებობა. სამწუხაროდ, მიწევს იმის კონსტატირება, რომ ამ სიტუაციაში პოროშენკო იქცევა არა როგორც პრეზიდენტი და კონსტიტუციის გარანტი, არამედ როგორც სულების გამყიდველი.
აქვე ჩაერთო ახმეტოვის რესურსი, რომლის არხმაც შეისყიდა გაზპრომის ფულით და ივანიშვილის დაკვეთით, ჩემზე გადაღებული ფილმი. ამის ფონზე ,,ოპოზიციონერმა“ ლიაშკომ ისევ დაიწყო ხმამაღლა ყვირილი, რომ დროა გამაძევონ უკრაინიდან. (https://www.facebook.com/O.Liashko/posts/1380721125329814?pnref=story)
რაზეც არ უნდა შეთანხმებულიყვნენ და რა ნაბიჯებიც არ უნდა გადადგან მეწარმეებმა, მე უფრო აქტიურად გავაგრძელებ ბრძოლას უკრაინისა და საქართველოს გათავისუფლებისთვის ოლიგარქებიგან, რომლებიც უშლიან ხალხის ნორმალურ ცხოვრებას“ , - წერს facebook-ის საკუთარ გვერდზე მიხეილ სააკაშვილი.
