"საკონსტიტუციო ცვილილებების შესახებ, ოპოზიციასთან კონსულტაციები სავარაუდოდ, მომდევნო კვირაში შედგება", - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.
როგორც მდინარაძე ამბობს, ოპოზიციას ამ დრომდე არ გაუცია მთავარ კითხვაზე პასუხი, რა შემთხვევაში დაუჭერენ მხარს კონსტიტუციურ პროექტს.
"ულტიმატუმები და პირობები მაშინ არ წაგვიყენებია, როცა მათი წინადადებების დიდი ნაწილი გავითვალისწინეთ კომისიის მუშაობის დროს. მიუხედავად ამისა, მზად ვართ, ყველა რაციონალური წინადადება მივიღოთ და ვიფიქროთ მათი წინადადებების გადაწყვეტის იურიდიულ მექანიზმებზე. იმედი გვაქვს, რომ მათი მხრიდან საბოლოოდ პასუხი გაეცემა კითხვას, რა შემთხვევაში დაუჭერენ მხარს კონსტიტუციურ პროექტს და კიდევ უფრო არ შეიყვანს მათი პასუხი პროცესს ჩიხში.
ამ ეტაპზე, ჩიხში რჩება მათი პოზიცია - მათ არ გაუციათ პასუხი მთავარ კითხვაზე, ამ პასუხს ელოდება ყველა, მათ შორის ვენეციის კომისია - რა შემთხვევაში დაუჭერენ მხარს კონსტიტუციურ პროექტს“ - განაცხადა მდინარაძემ.
