საარჩევნო კოდექსებში ცვლილებებზე პრეზიდენტის ვეტოს სამართლებრივი არგუმენტი ვერ ექნება, - განაცხადა საქართველოს პარლამენტის თავმჯდომარემ. თუმცა, ირაკლი კობახიძის თქმით, პრეზიდენტის გადასაწყვეტია, ისარგებლებს თუ არა ვეტოს უფლებით.
,,თვითმმართველობის კოდექსში შეტანილი ცვლილებები არის სამართლებრივ პრინციპებთან აბსოლუტურად თავსებადი და ეს უზრუნველყოფს ადგილობრივი თვითმმართველობის სისტემის გაძლიერებას. ასევე შემიძლია ვთქვა საარჩევნო ადმინისტრაციის დაფინანსების წესთან დაკავშირებით - იყო უამრავი სირთულე დაკავშირებული ადმინისტრაციის ფორმირების წესთან. ჩვენ შევეცადეთ, რომ ადმინისტრაციის ფორმირების წესი შესაბამისობაში მოგვეყვანა სამართლებრივ პრინციპებთან. ამისათვის სახელმძღვანელოდ ავიღეთ პროპორციული წარმომადგენლობის პრინციპი და დაცულია პარიტეტი მმართველ ძალასა და ოპოზიციური პარტიებს შორის. ეს არის ძალიან სამართლიანი პრინციპი, აქედან გამომდინარე, სამართლებრივი არგუმენტები ვეტოს აქაც ვერ ექნება“, - განაცხადა კობახიძემ.
საარჩევნო გარემოსთან დაკავშირებით "ქართული ოცნების" ლიდერებს NDI-ის წინასაარჩევნო მონიტორინგის მისიის წარმომადგენლები შეხვდნენ.
