უკრაინის საგარეო საქმეთა მინისტრ პავლო კლიმკინის განცხადებით, საქართველოში ყოფნისას გრძნობს, რომ მეგობრებთან არის. მისი თქმით, უკრაინელებმა და ქართველებმა იციან თუ როგორ იბრძოლონ თავისუფლება და დამოუკიდებლობისთვის.
„უკრაინელებმა და ქართველებმა ვიცით თუ როგორ ვიბრძოლოთ თავისუფლებისთვის და დამოუკიდებლობისთვის. ეს არ არის უბრალოდ ოფიციალური ვიზიტი, ამ ვიზიტით ჩვენს მეგობრობას ხაზს ვუსვამთ“, - აღნიშნა მან.
მისივე თქმით, აღნიშნული ვიზიტი არა მხოლოდ ოფიციალურ მოლაპარაკებებსა და შეხვედრებს ეხება. ის პირველ რიგში ეხება უკრაინისა და საქართველოს საერთო გზას საერთო მომავალში.
საქართველოს და უკრაინის პრეზიდენტების პირისპირ შეხვედრა ამ წუთებში მიმდინარეობს.
როგორც ცნობილია, შეხვედრის მთავარი თემა რუსეთის მიერ განხორციელებული აგრესია და ოკუპაცია იქნება.
პრეზიდენტები შეხვდრის დასრულების შემდეგ ერთობლივ განცხადებებს გააკეთებენ.
