„უკრაინის ოკუპაცია ოკუპაციაა და საქართველოსი არა?”, - აღნიშნული შეკითხვა ევროინტეგრაციის ყოფილმა მინისტრმა, გიორგი ბარამიძემ ბათუმში, მე-14 საერთაშორისო კონფერენციაზე დასვა.
როგორც „ბათუმელები“ წერს, ბარამიძის შეკითხვას საგარეო საქმეთა მინისტრმა, მიხეილ ჯანელიძემ უპასუხა და განაცხადა, რომ რუსეთი საქართველოს ოკუპაციას ახორციელებს 2008 წლიდან.
„სამწუხაროდ, ამ ეტაპზე ჩვენმა მთავრობამ ვერ მოახერხა საერთაშორისო მხარდაჭერის ორგანიზება“, - აღნიშნა მინისტრმა და დასძინა, რომ ძალისხმევას არ დაიშურებს, საერთაშორისო დღის წესრიგში საქართველის ოკუპაციის საკითხს ჰქონდეს მაღალი ინტერესი.
„ჩვენ გვაქვს უპრეცედენტო მხარდაჭერა ევროკავშირთან თანამშრომლობის ფორმატის ფარგლებში,” – განაცხადა მან.
