"ლეიბორისტული პარტიის" ლიდერი შალვა ნათელაშვილი კაზაკთა რაზმის რუსეთ-საქართველოს საზღვრის დაცვაში მონაწილეობის შესახებ გავრცელებულ ინფორმაციას ეხმიანება და აცხადებს, რომ ეს საქართველოს ოკუპაციისკენ გადადგმული კიდევ ერთი ნაბიჯია. ნათელაშვილი მოითხოვს, რომ ოკუპირებულ რეგიონში შექმნილ ვითარებასტან დაკავშირებით, გაეროს უშიშროების სხდომა გაიმართოს.
„გრძელდება აგრესია საქართველოს წინააღმდეგ. საქართველო - რუსეთის საზღვარს მოადგნენ კაზაკთა რაზმეულები, იგივე რუსული მხედრიონი. შემდგომ ეტაპზე დაგეგმილია მათი შემოყვანა ცხინვალის რეგიონში. საქართველოს მთავრობა, ივანიშვილის რეჟიმი, რომელიც გარიგებულია კრემლთან დუმილზე და გაჩუქებული აქვს საქართველო, რა თქმა უნდა, არანაირ ზომებს არ იღებს. მთავრობა უნდა ადგეს, ჩაჯდეს თვითმფრინავში, ჩავიდეს ნიუ იორკში და დადგან კარვები გაეროს ოფისის წინ. არ აიშალონ იქიდან, სანამ არ მოხდება რუსეთის უმაღლესი ხელმძღვანელობის დასჯა,“ - განაცხადა შალვა ნათელაშვილმა.
