“მე გადმომეცა სამი დისკი, აქედან გამომდინარე, ჯერ არ ვიცი მასზე რა არის. ეს შეიძლება იყოს მხოლოდ აუდიო ან ვიდეო”, - ამის შესახებ მერიის უშტატო თანამშრომლის, ოთარ აბესაძის ადვოკატმა ირმა ჭკადუამ ე.წ მოდულის შენობიდან გამოსვლის შემდეგ ჟურნალისტებს განუცხადა.
ადვოკატის თქმით, აბესაძეს პოზიცია ჯერ არ დაუფიქსირებია, ვინაიდან გუშინ ცუდად იმყოფებოდა.
"ახლა ჩავიბარე საქმის მასალები, ჯერ არ გავცნობივარ, საკმაოდ მოცულობითია, გავეცნობი და შემდგომ მოგახსენებთ. რაც შეეხება ბრალს, ამ წუთისთვის ჩვენთვის ცნობილი არ არის რომელ საათზე წარედგინება, რადგან გამოძიებას დრო აქვს ღამის 10 საათამდე.
მე გადმომეცა სამი დისკი, აქედან გამომდინარე, ჯერ არ ვიცი მასზე რა არის. ეს შეიძლება იყოს მხოლოდ აუდიო ან ვიდეო.
ჩემი დაცვის ქვეშ მყოფს პოზიცია ჯერ არ დაუფიქსირებია, ვინაიდან გუშინ საკმაოდ ცუდად იმყოფებოდა, დღეს ის არ მინახავს, საქმის მასალები ჩავიბარე და ბრალის წარდგენის დროს ვნახავ“ - აღნიშნა ჭკადუამ.