რუსეთის ელჩი აფხაზეთის არაღიარებულ რესპუბლიკაში გუდაუტაში მომხდარი მკვლელობის გამო შეშფოთებას გამოთქვამს და აფხაზ სამარტალდამცველებს მკვლელების უმოკლეს ვადაში მოძებნისა და დაკავებისკენ მოუწოდებს. „როგორც ელჩი, მომხდარით შოკირებული ვარ. არაერთგზის მითქვამს აფხაზეთის ხელისუფლებისთვის, რომ რუსი ტურისტების უსაფრთხოების დაცვა მათთვის პრიორიტეტულ ამოცანას უნდა წარმოადგენდეს. ვიმედოვნებ, ამ შემზარავ ფაქტს უახლოეს ხანებში გამოიძიებენ, მკვლელებს დააკავებენ და დასჯიან. ჩვენს მოქალაქეებს კი მოვუწოდებ, აფხაზეთში ყოფნისას სიფრთხილე გამოიჩინონ,“-აღნიშნა სემიონ გრიგორიევმა.
