ჩვენ არასოდეს ვყოფდით, არ ვყოფთ და არ დავყოფთ საზოგადოებას მხარდამჭერებად და ოპონენტებად, კანონის წინაშე ყველა თანასწორია, - ამის შესახებ საკრებულოს თავმჯდომარემ, გიორგი ალიბეგაშვილმა თბილისის მერიის თანამშრომლის, ოთარ აბესაძის ქრთამის აღების ბრალდებით დაკავების საკითხზე კომენტირებისას განაცხადა.
მისი თქმით, როდესაც ადამიანი დააშავებს, მან პასუხი უნდა აგოს.
"ჩვენ არასოდეს ვყოფდით, არ ვყოფთ და არ დავყოფთ საზოგადოებას მხარდამჭერებად და ოპონენტებად. კანონის წინაშე ყველა თანასწორია. აბესაძე გარკვეული დროით იყო დანიშნული და თუ არ ვცდები, ეს ვადა 6 ივნისს შეუჩერდა, ასე, რომ ჩვენ მასთან პირადი კონტაქტები ნაკლებად გვქონდა”,- განაცხადა ალიბეგაშვილმა.
ცნობისთვის, საქართველოს სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა ჩატარებული ოპერატიულ-სამძებრო და საგამოძიებო მოქმედებების შედეგად, ქრთამის აღების ფაქტზე ქ.თბილისის მუნიციპალიტეტის მერიის თანამშრომელი - ოთარ აბესაძე დააკავეს.
