“პირველი რასაც დღეს სახელმწიფო უნდა აკეთებდეს, ეს არის პრევენციული ღონისძიებების განხორციელება”, - ამის შესახებ საქართველოს თავდაცვის ყოფილმა მინისტრმა თინა ხიდაშელმა მცოცავი ანექსიის შესახებ განაცხადა.
მისივე თქმით, სახელმწიფო მიმდინარე პროცესების შესახებ მოსახლეობას უნდა აფრთხილებდეს.
„ჩვენ ყველაზე უფრო სამწუხარო რაც ამ მთელს პროცესში არის ის რაც მოვისმინეთ ამ დღეებში ბატონი ზურაბ აბაშიძისგან, რომელმაც ძალიან მშვიდად გვითხრა, რომ ეს ამბები მოხდება და ნუ ნერვიულობთო. თუკი სახელმწიფომ იცის, ჩვენ ეს არ ვიცოდით. პირველი რასაც დღეს სახელმწიფო უნდა აკეთებდეს, ეს არის პრევენციული ღონისძიებების განხორციელება ერთის მხრივ და მეორეს მხრივ იქ მოსახლეობის გაფრთხილება და მათი უსაფრთხოების უზრუნველყოფა, რომლებიც აბაშიძის მიერ გაცხადებულ ტრაექტორიაზე ცხოვრობენ,“-განაცხადა თინა ხიდაშელმა.
