საქართველოს პარლამენტის თავმჯდომარე ირაკლი კობახიძე მიიჩნევს, რომ პრეზიდენტის ჩართვა საკონსტიტუციო ცვლილებებთან დაკავშირებულ კონსულტაციების პროცესში, უშედეგო იქნება.
"როცა პრეზიდენტი გაუგებარი მიზეზის გამო უარს ამბობდა კომისიის მუშაობაში ჩართვაზე, ასეთ დროს მისი პოზიტიური როლის გამოკვეთა პრაქტიკულად შეუძლებელია. მან თავისი არჩევანი გააკეთა და ოთხი თვის განმავლობაში, საკონსტიტუციო ცვლილებების კომისიაში არ ჩაერთო, ასეთ პირობებში მისი მხრიდან კონსტრუქციულ როლზე საუბარი ზედმეტია", - განაცხადა კობახიძემ.
მისივე თქმით, შემოდგომაზე საკონსტიტუციო ცვლილებები მესამე მოსმენით მიღებული აუცილებლად იქნება. კობახიძე აცხადებს, რომ მმართველი გუნდი ოპოზიციის წინადადებებს ელოდება.
საქართველოს პრეზიდენტის პრესსპიკერმა დღეს საკონსტიტუციო ცვლილებებზე და ამ ცვლილებების ლეგიტიმაციაზე გააკეთა განცხადება. მისი თქმით, კონსტიტუციის ლეგიტიმაციის ერთადერთი გზა არის არსებული პროექტის შეჩერება და ამის შემდეგ კონსენსუსის მისაღწევად მოლაპარაკების დაწყება ფუნდამენტურ საკითხებზე,