დღეს, 1-ელ ივლისს, 11:30 საათზე, სასტუმროს "რედისონ ბლუ ივერიაში" ევროკავშირის წარმომადგენლობა საქართველოში და გაეროს განვითარების პროგრამის (UNDP) ფარგლებში მედიამონიტორინგის შედეგებს გამოაქვეყნებს.
მედიამონიტორინგი 2010 წლის მაისსა და ივნისში განხორციელდა. ახალი ამბების ძირითადი გამოშვებებისა და შერჩეული პოლიტიკური თოქ შოუების ყოველდღიური მონიტორინგი 6 სატელევიზიო არხზე მიმდინარეობდა: "იმედი", "კავკასია", "მაესტრო", "რეალ ტი-ვი", "რუსთავი 2" და "საზოგადოებრივი მაუწყებელი".
ევროკავშირისა და გაეროს განვითარების პროგრამის (UNDP) დაკვეთით მონიტორინგს კავკასიის კვლევითი რესურსების ცენტრი (ჩღღჩ) ახორციელებდა.
მედიამონიტორინგის შედეგების გამოქვეყნებას ევროკავშირის წარმომადგენლობის ხელმძღვანელი საქართველოში ელჩი პერ ეკლუნდი, გაეროს განვითარების პროგრამის (UNDP) მუდმივი წარმომადგენელი ჯეიმი მაკგოლდრიკი და კავკასიის კვლევითი რესურსების ცენტრის (ჩღღჩ) საქართველოს ოფისის დირექტორი კობა თურმანიძე დაესწრებიან.