საპარლამენტო უმრავლესობის წევრი ეკა ბესელია ელიავას ბაზრობაზე გუშინ გაჩენილ ხანძართან დაკავშირებით ოპოზიციის მიერ გაკეთებულ განცხადებებს ეხმიანება და აცხადებს, რომ პოლიტიკა არ შეიძლება დაცლილი იყოს მორალური მხარისგან.
,,უზნეობად მიმაჩნია, როდესაც პოლიტიკოსები, ტრაგედიის დროს იწყებენ დივიდენდების მოპოვება“, -განაცხადა ბესელიამ. მისივე თქმით, ყველაზე მნიშვნელოვანი ხელისუფლებისთვის არის დაშავებული და დაზარალებული ადამიანების შველა,
,,ყველაზე მნიშვნელოვანი ჩვენთვის - ხელისუფლებისთვის ეს არის დაშავებული და დაზარალებული ადამიანების შველა, მეორე, ეს არის გამოძიება, რომელმაც უნდა გასცეს ყველა კითხვას პასუხი. ექსპერტიზების დასრულებისა და ექსპერტიზებს მრავლობითში ვამბობ იმიტომ, რომ შეიძლება არაერთი ექსპერტიზის ჩატარება იყოს საჭირო, შეუძლებელია წინასწარი ვერდიქტების გამოტანა”, - განაცხადა ბესელიამ.
