"უამრავი კომპრომისული ნაბიჯი იქნა გადადგმული ჩვენი გუნდის მიერ იმისათვის, რომ გამოძებნილიყო პოლიტიკური კონსესუსის ნიადაგი," - ამის შესახებ საქართველოს პრემიერმინისტრმა გიორგი კვირიკაშვილმა საკონსტიტუციო ცვლილებებთან დაკავშირებით მთავრობის სხდომის დაწყებისას განაცხადა.
მისი თქმით, ეს ცვლილებები არის ძალიან მნიშვნელოვანი წინ გადადგმული ნაბიჯი საქართველოში დემოკრატიის განვითარების კუთხით.“ ჩვენ გვექნება კონსტიტუცია, რომელიც სწორედ ჩვენი გუნდის პოლიტიკური ნებით დაიხვეწა და აბსოლუტურ შესაბამისობაში იქნება ყველაზე მაღალ დემოკრატიულ სტანდარტებთან, რომელიც დღეს არსებობს მსოფლიოში და განსაკუთრებით ევროპაში. ძალიან მნიშვნელოვანია ითქვას, რომ ყველაზე მთავარი გადაწყვეტილება, რომ ქვეყანა გადავიდეს პროპორციულ საარჩევნო სისტემაზე, იქნა მიღებული სწორედ ჩვენი გუნდის პოლიტიკური ნებით. მოგეხსენებათ, გასული ათწლეულის განმავლობაში ეს საკითხი არაერთხელ გამხდარა მთელი პოლიტიკური სპექტრის მოთხოვნის საგანი, მაგრამ არც ერთხელ არ ყოფილა რეალურად პოლიტიკური ნება, რომ ასეთი მნიშვნელოვანი ცვლილება განოხორციელებულიყო“, - განაცხადა კვირიკაშვილმა.
პრემიერის თქმით, კონსტიტუციაში შედის ასევე მნიშვნელოვანი ცვლილებები, რომლებშიც პირდაპირ არის გაწერილი დაბალანსებული ძალთა გადანაწილება მთავრობასა და პარლამენტს შორის.
“ამას გარდა, ცვლილებები, რომლებასაც ითვალისწინებს ახალი კონსტიტუცია, სადაც პირდაპირ არის გაწერილი დაბალანსებული ძალთა გადანაწილება მთავრობას და პარლამენტს შორის, სადაც პარლამენტის როლი მნიშვნელოვნად იზრდება, სადაც მნიშვნელოვნად არის გამარტივებული მთავრობისთცვის უნდობლობის გამოცხადების პროცედურები, რომლებიც აბსოლუტურად გაუგებარი იყო კონსტიტუციაში და მორგებული იყო წინა პოლიტიკურ გუნდზე, ასევე იმ გადაწყვეტილების გამო, რომ 2024 წელს გადავალთ პროპორციულ საარჩევნო სისტემაზე, 2020 წლის ერთი მოწვევის პარლამენტისთვის 3%-მდე ბარიერის დაწევა და ა.შ. უამრავი კომპრომისული ნაბიჯი იქნა გადადგმული ჩვენი გუნდის მიერ იომისათვის, რომ მონახულიყო პოლიტიკური კონსესუსის ნიადაგი“, - აღნიშნა პრემიერმა.
