საპარლამენტო უმრავლესობის წევრის, მამუკა მდინარაძის განცხადებით, ვენეციის კომისიის თავმჯდომარე ყველა პოლიტიკურ ძალას კონსენსუსისკენ მოუწოდებს, ოპოზიციური პარტიები კი ითხოვენ საკონსტიტუციო რეფორმის ჩაშლას და ცვლილებების პროექტის გამოწვევას პარლამენტიდან.
პარალელურად მდინარაძემ ეთანხმება ჯანი ბუკიკიოს განცხადებას, ჩიხურ სიტუაციასთან დაკავშირებით.
"ოპოზიციურმა პარტიებმა თავიდანვე აირჩიეს ურთიერთობის ისეთი გზა, რაც იმთავითვე გამორიცხავდა კონსენსუსის შესაძლებლობას და სწორედ ამის გამოა, რომ ისინი დღეს შეთანხმებაზე მოწოდების შემდგომ აკეთებენ არაადეკვატურ განცხადებებს. არ შეიძლება აქვე არ აღინიშნოს, რომ ტყუილებსაც არ ერიდებიან და აცხადებენ, რომ პროექტის შეცვლილი ვერსია იქნა მიღებული. რეალურად მიღებული იყო სიტყვა-სიტყვით იგივე დოკუმენტი, რაც მოიწონა ვენეციის კომისიამ. უფრო მეტიც, გათვალისწინებულია მათი პრაქტიკულად ყველა რეკომენდაცია. ერთადერთი ცვლილება შეეხო გარდამავალ დებულების კონკრეტულ მუხლს - არა პროპორციულ არჩევნებს, არამედ მის ერთი ვადით გადაწევას", - განაცხადა მამუკა მდინარაძემ.