"სასურველი იქნებოდა ამერიკის შეერთებულ შტატებსა და რუსეთს შორის ისეთი თანამშრომლობა არსებობდეს, რომ გარკვეული საკითხების გამოსარკვევად დაზვერვა საჭირო არ იყოს", - ამის შესახებ აშშ-ს სახელმწიფო მდივნის თანაშემწემ ფილიპ გორდონმა ამერიკის მიერ რუსეთის 11 ჯაშუშის გახმაურებული დაკავების კომენტირებისას განაცხადა.
"რუსეთის სასარგებლო ჯაშუშობისთვის 11 ადამიანის დაკავებით აშშ-ს ხელისუფლების ზოგიერთი წარმომადგენელი შოკირებული იყო. მიუხედავად ამისა ვაშინგტონი რუსეთთან ურთიერთობას განაგრძოს. აღნიშნული საკითხი კი ორ ქვეყანას შორის არსებული ურთიერთობის კონტექსტში უნდა განვიხილოთ. სასურველი იქნებოდა შეერთებულ შტატებსა და რუსეთს შორის ისეთი თანამშრომლობა არსებობდეს, რომ გარკვეული საკითხების გამოსარკვევად დაზვერვა საჭირო არ გახდეს, მაგრამ ჯერ ასეთი ურთიერთობა არ არის", - აღნიშნა გორდონმა.
ამასთან, თეთრის სახლის პრესმდივანის რობერტ გიპსის განაცხადებით, რუსეთის ჯაშუშების დაკავების ოპერაციასთან დაკავშირებით აშშ-ს პრეზიდენტი ბარაკ ობამა სრულად იყო ინფორმირებული.
მისისვე თქმით, შპიონაჟის სკანდალი რუსეთ-აშშ-ს შორის გადატვირთვის პოლიტიკაზე გავლენას არ მოხდენს.
