საქართველოს განათლებისა და მეცნიერების მინისტრის, ალექსანდრე ჯეჯელავას აზრით, ქართველი ხალხი არ დაუშვებს "ნაციონალური მოძრაობის" დაბრუნებას დედაქალაქის მენეჯმენტში.
როგორც ჯეჯელავამ ჟურნალისტებს "ნაციონალური მოძრაობის" მერობის კანდიდატად ზაალ უდუმაშვილის დასახელებასთან დაკავშირებით განუცხადა, ქართველ ხალხს კარგად ახსოვს "ნაციონალური მოძროაბის" მერიც და მათ ხელისუფლების ყველა სახე.
"მგონია, რომ ქართველ ხალხს ძალიან კარგად ახსოვს "ერთიანი ნაციონალური მოძრაობის" მერობაც და ყველა სახე მათი ხელისუფლების. მგონია, რომ ქართველი ხალხი არ დაუშვებს ამ ადამიანების დაბრუნებას დედაქალაქის მენეჯმენტში", - განაცხადა ალექსანდრე ჯეჯელავამ.
"ნაციონალურმა მოძრაობამ" მეტეხის ტაძრის ეზოში დღეს ზაალ უდუმაშვილი პარტიის მერობის კანდიდატად დაასახელა.
