“რამდენად კარგი კანდიდატია ზაალ უდუმაშვილი თბილისის მერის თანამდებობაზე, ამას ამომრჩეველი გადაწყვეტს”, - ამის შესახებ პარტია „ახალი საქართველოს“ ლიდერმა გიორგი ვაშაძემ განაცხადა.
როგორც ვაშაძემ აღნიშნა, უდუმაშვილი კარგი ჟურნალისტია, თუმცა არსებობს კითხვები მისი მერობის უნარჩვევებთან დაკავშირებით.
„ზაალ უდუმაშვილი არის ძალიან კარგი ჟურნალისტი, მაგრამ მთავარი კითხვა რაც მაქვს - შეძლებს თუ არა ის ქალაქს გაუძღვეს, რამდენად არის ის დამოუკიდებელი პიროვნება და რამდენად აქვს მერის უნარჩვევები. ეს არის კითხვები, რომელიც ნებისმიერ ადამიანს ექნება ზაალ უდუმაშვილთან მიმართებაში. ამ კითხვებზე პასუხს ამომრჩეველი გასცემს",-განაცხადა გიორგი ვაშაძემ.
შეგახსენებთ, რომ „ნაციონალურმა მოძრაობამ“ თბილისის მერობის კანდიდატად ზაალ უდუმაშვილი წარადგინა.
