მრეწველების ლიდერის, ზურაბ ტყემალაძის განცხადებით, ოკუპირებული ტერიტორიების შესახებ სახელმწიფო სტრატეგიის გეგმაში გაწერილი სოციალურ-ეკონომიკური ზონის შექმნას, შესაძლოა, შავი ხვრელის გაჩენა მოჰყვეს.
როგორც უშიშროების გაფართოებული სხდომის დასრულების შემდეგ ტყემალძემ განაცხადა, მიუხედავად იმისა, რომ აღნიშნული დოკუმენტი ძალიან კარგადაა გაწერილი და უნდა გაკეთდეს ყველაფერი, რომ იმუშაოს, არსებობს რიგი საკითხები, რაც სკეპტიკურ დამოკიდებულებას იწვევს.
"სოციალურ-ეკონომიკური ზონის შექმნამ ჩვენ მიერ კონტროლირებად ტერიტორიაზე და არა მეორე მხარეს შეიძლება მთელი რიგი ნეგატიური მოვლენები გამოიწვიოს და ეკონომიკაში შავი ხვრელი გააჩინოს. ამას შეიძლება მოჰყვეს სერიოზული პრობლემები საგადასახადო კუთხით. ჩვენს ეკონომიკას კი ახლა არასტაბილურობისა და ბზარის შეტანა არ სჭირდება"_ განაცხადა ტყემალაძემ.
მისი თქმით, მის მოსაზრებას საქართველოს პრემიერიც დაეთანხმა და აღნიშნა, რომ თუ ეს კონკრეტული პროექტი განხორციელდება, დარწმუნებულები უნდა იყვნენ, რომ ყველა შავი ხვრელი ამოივსება.
