კვიპროსის პოლიციამ აშშ-ს მთავრობის მიერ რუსეთის სასარგებლოდ ჯაშუშობაში ბრალდებული მეთერთმეტე ეჭვმიტანილი დააკავა. ინფორმაციას ამის შესახებ "როიტერი" ავრცელებს ადგილობრივი პოლიციის წარმომადგენელზე მიხალის კაცუტონოსზე დაყრდნობით.
"ინტერპოლის მიერ წითელი ცირკულარით ძებნილის შეტყობინების მიხეედვით" ის (დაკავებული) ფულის გათეთრებისა ჯაშუშობის ბრალდებით იძებნებოდა", _ აცხადებს კაცუტონოსი.
ამასთან ერთად, მისივე ინფორმაციით, დაკავებული ეჭვმიტანილი რობერტ კრისტოფერ მეტსოსი 20 ათასი ევროს გირაოს გადახდის შემდეგ გაათავისუფლეს.
სააგენტოს ინფორმაციით, რობერტ კრისტოფერ მეტსოსი სასამართლოში 30 დღის განმავლობაში უნდა გამოცხადდეს. ამის შემდეგ უკვე დაიწყება პროცესი მისი ექსტრადაციის შესახებ.
შეგახსენებთ, რომ აშშ-ს სადაზვერვო სამსახურებმა აშშ-ს ტერიტორიაზე რუსეთის სასარგებლოს ჯაშუშობაში ეჭვმიტანილი 10 ადამიანი უკვე დააპატიმრა. მათ გირაოთი გათავისუფლებაზე უარი ეთქვა.
